Өөжинмед үр шилжүүлэн суулгах төв нь Монгол улсын гавьяат тамирчин, Хөдөлмөрийн баатар Э.Бадар-Ууган, Япон улсын хамгийн том үр шилжүүлэн суулгах төв болох “Като лэдиес клиник” эмнэлгийн үүсгэн байгуулагч Осаму Като нарын санаачилгаар 2015 онд үүд хаалгаа албан ёсоор нээсэн билээ. Манай эмнэлэг “Като лэдиес клиник” эмнэлэгт боловсруулан хөгжүүлсэн 30 гаруй жилийн түүхтэй, өндөр үр дүн бүхий “Зөөлөн сэдээлт, байгалийн мөчлөгт үр шилжүүлэн суулгах ажилбар”-ыг Монгол улсад анх удаа нэвтрүүлж, амжилттай нутагшуулсан. Бид орчин үеийн дэвшилтэт технологи бүхий лаборатори, олон улсад мэргэшсэн өндөр ур чадвартай хамт олонтойгоор Япон стандартын эмчилгээ, үйлчилгээг хүргэхийн төлөө жилийн 365 хоног тасралтгүй хичээн ажиллаж байна.