Өөжинмед үр шилжүүлэн суулгах төв

Үргүйдэл болон үр шилжүүлэн суулгах эмчилгээний талаар дэлгэрэнгүй мэдээлэл, ганцаарчилсан зөвлөгөө авах боломжтой.

Өндгөн эсийн нөөцийг AMH (Anti Mullerian Hormone) дааврын шинжилгээгээр тодорхойлж болох ба АМН даавар нь өндгөвчин дотор бие гүйцээгүй өндгөн эсүүдээс ялгардаг даавар юм.

Үрийн хоолойн нэвтрэх чадвар буюу нээлттэй, наалдацтай битүүрэлтэй эсэхийг үнэлдэг. Бид АНУ-ын дэвшилтэт төхөөрөмж ашиглан уг үнэлгээг хийдэг бөгөөд энэ нь уламжлалт рентген шинжилгээтэй харьцуулахад рентген туяаны хор хөнөөл байхгүй, эмэгтэйн үрийн хоолойн намираа хучуур  эдийг гэмтээхгүй зэрэг давуу талтай.

Эр бэлгийн эсийн шинжилгээ буюу спермограмм нь үрийн шингэний хэмжээ, тогтоц, эр бэлгийн эсийн тоо, хөдөлгөөн, бүтэц зэрэгт үнэлгээ өгч үр тогтоох чадварыг үнэлнэ.

Энэхүү шинжилгээ нь умайн хөндийн салст давхаргын байдалд үнэлгээ өгөх, эмгэг бүтцийн өөрчлөлтийг илрүүлэх зорилгоор хэт авиан хяналтан дор умайн хөндийд тусгай зориулалтын гуурс байрлуулж умайн хөндийг шингэн шахаж дүүргэн үнэлгээ хийдэг шинжилгээ юм.

Манай эмнэлэг нь үргүйдлийн оношилгоонд өндгөвч, өнчин тархи, бамбайн даавар гэх мэт бүх төрлийн дааврын шинжилгээг шинжилж үздэг.

“Post coital” тест үргүйдлийн оношилгооны нэг арга бөгөөд умайн хүзүүгээр эр бэлгийн эс нэвтэрч буй эсэхийг тодорхойлдог шинжилгээ ба эмэгтэйн умайн хүзүүний салиа ялгаралт, эрэгтэйн үрийн шингэний байдалд үнэлгээ өгөх боломжтой анхан шатны шинжилгээ юм.

Endometrial Receptivity Array шинжилгээ нь үр хөврөлийг умайд шилжүүлэн суулгахад тохирох цонх үеийг тогтоож, жирэмслэх боломжийг нэмэгдүүлэх зорилгоор хийдэг.