Өөжинмед үр шилжүүлэн суулгах төв

Хугацаа товлох нь жирэмслэхээр төлөвлөж буй хосуудын эмчилгээний хамгийн энгийн арга юм. Өндгөвчний үйл ажиллагааг хянан жирэмслэх магадлалтай өдрийг товлох эмчилгээ юм. Эмчилгээ эхлэхийн өмнө та үргүйдлийн оношилгоонд заавал хамрагдах хэрэгтэй.

Эр бэлгийн эсийг лабораторийн орчинд угааж, идэвхитэй эсүүдийг ялган авч эмэгтэйн умайн хөндийд цацах эмчилгээ юм.

Үр шилжүүлэн суулгах эмчилгээ (In Vitro Fertilization буюу IVF) нь эмэгтэйгээс өндгөн эсийг соруулж авч, эр эм бэлгийн эсийг лабораторийн орчинд уулзуулан үр тогтоох, үр хөврөлийг эхийн умайн хөндийд шилжүүлэн суулгах үйл явцыг хэлнэ.

Өндгөн эс, эр бэлгийн эс, үр хөврөлөө хөлдөөх нь нөхөн үржихүйгээ хадгалж, жирэмслэлтийг хожуу төлөвлөх орчин үеийн эмчилгээний чиг хандлага юм.

Нөхөн үржихүйн орчин үеийн дэвшилтэт технологи болох PGT-a шинжилгээний тусламжтайгаар үр хөврөлийг шилжүүлэн суулгахаас өмнө хромосомын тоо, хүйсийг тодорхойлох боломжтой. Үр шилжүүлэн суулгах эмчилгээний үед генетикийн шинжилгээ хийх нь 99.9%-иар хүйс сонгох хамгийн найдвартай арга юм.  

PGT-a шинжилгээ нь үр хөврөлийн хромосомын тоог тодорхойлох хамгийн үр дүнтэй арга юм. Эуплойд буюу хромосомын хэвийн тоотой үр хөврөлийг шилжүүлэн суулгах нь жирэмслэх магадлалыг нэмэгдүүлж, зарим удамшлын эмгэгээс сэргийлэх боломжтой. 

ЛГБТ+ хүмүүс донор, тээгч эхийн тусламжтайгаар цацлага эмчилгээ, үр шилжүүлэн суулгах эмчилгээ хийлгэж хүүхэдтэй болох боломжтой.